The Scottish Minstrel (First Series)/My ain Fireside

For other versions of this work, see My ain Fireside.
​

MY AIN FIRESIDE.

Words by Mrs. E. Hamilton. Music arranged by Alexander Robertson. Key-note B flat.

O, I hae seen great anes, and sat in great ha's,
'Mang lords and 'mang ladies a' cover'd 'wi' braws ;
But a sight sae delightfu', I trow I ne'er spied,
As the bonnie blythe blink o' my ain fireside.
My ain fireside, my ain fireside,
As the bonnie blythe blink o' my ain fireside.

​
Ance mair, heaven be praised! round my ain heartsome ingle,
Wi' the frien's o' my youth I cordially mingle;
Nae force now upon me, to seem wae or glad,
I may laugh when I'm merry, and sigh when I'm sad.
My ain fireside, my ain fireside,
O sweet is the blink o' my ain fireside.

Nae falsehood to dread, nae malice to fear,
But truth to delight me, and kindness to cheer;
0' a' roads to pleasure that ever were tried,
There's nane half sae sure as ane's ain fireside.
My ain fireside, ny ain fireside,
O sweet is the blink o' my ain fireside.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.