The Scottish Minstrel (First Series)/Logie o' Buchan
For other versions of this work, see Logie o' Buchan.
LOGIE O' BUCHAN.
Words by George Halket. Key-note B flat.
O Logie o' Buchan, O Logie the laird,
They hae ta'en awa Jamie that deiv'd in the yard,
Wha play'd on the pipe, and the viol sae sma',
They hae ta'en awa Jamie, the flower o' them a'.
He said, think nae lang lassie, though I gang awa,
For I'll come and see ye in spite o' them a'.
They hae ta'en awa Jamie that deiv'd in the yard,
Wha play'd on the pipe, and the viol sae sma',
They hae ta'en awa Jamie, the flower o' them a'.
He said, think nae lang lassie, though I gang awa,
For I'll come and see ye in spite o' them a'.
O Sandy has ousen, has gear, and has kye,
A house and a haddin', and siller forbye;
But I'd tak my ain lad wi' his staff in his hand,
Before I'd hae Sandy wi' his houses and land.
Ile said, think nae lang lassie, &c.
A house and a haddin', and siller forbye;
But I'd tak my ain lad wi' his staff in his hand,
Before I'd hae Sandy wi' his houses and land.
Ile said, think nae lang lassie, &c.
My daddie looks sulky, my minnie looks sour,
They frown upon Jamie because he is poor,
But daddie and minnie although that they be,
They're no half sae dear as my Jamie to me.
He said, think nae lang lassie, &c.
They frown upon Jamie because he is poor,
But daddie and minnie although that they be,
They're no half sae dear as my Jamie to me.
He said, think nae lang lassie, &c.
I sit on my creepie and spin at my wheel,
And think on the laddie that lo'ed me sae weel;
He had but ae saxpence, he brak it in twa,
And gied ine the half o't when he gaed awa.
He said, think nae lang lassie, &c.
And think on the laddie that lo'ed me sae weel;
He had but ae saxpence, he brak it in twa,
And gied ine the half o't when he gaed awa.
He said, think nae lang lassie, &c.
Then haste ye back, Jamie, and bide nae awa,
Then haste ye back, Jamie, and bide nae awa,
The summer is comin', cauld winter'e awa,
And ye'll come and see me in spite o' them a'.
Ye said, think nae lang lassie, &c.
Then haste ye back, Jamie, and bide nae awa,
The summer is comin', cauld winter'e awa,
And ye'll come and see me in spite o' them a'.
Ye said, think nae lang lassie, &c.