The Scottish Minstrel (First Series)/Auld langsyne

For other versions of this work, see Auld Lang Syne (Burns).
​

SCOTTISH SONGS.

AULD LANGSYNE

Old Song, with alterations and additions by Robert Burns. Air—"Sir Alexander Don's Strathspey" Key-note G.

Should auld acquaintance be forgot,
And never brought to min'?
Should auld acquaintance be forgot,
And days o' langsyne?
For auld langsyne, my dear,
For auld langsyne,
We'll tak a cup o' kindness yet,
For auld langsyne.

We twa hae run about the braes,
And pu'd the gowans fine:
But we've wander'd mony a wearie fit
Sin' auld langsyne.
For auld langsyne, &c.

We twa hae paidl't i' the burn
Whan simmer days were prime;
But seas between us braid hae roar'd
Sin' auld langsyne.
For auld langsyne, &c.

And there's a hand, my trusty frien',
And gie's a haud o' thine,
And we'll toom the cup to friendship's growth.
For auld langsyne.
For auld langsyne, &c.

And surely ye'll be your pint stoup,
As sure as I'll be mine,
And we'll tak a right guid walie-waught,
For auld langsynen.
For auld langsyne, &c.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.