Preserve us Johnny! you've tranlooms mony; I thought I saw them a' wi' my een; But tho’ ye skin them up su’ bonnie, ye re no rich as ye wad seem: The loom, for guid-sake, ride nae mair on her, ye’ll break her back, she's false at the bame: Amang the traddles ye’ll light wi’ dishonour, ye’re no sae rich as ye wad seem.
Your headles are auld, your kavels are rotten, your shuttle's a lazy jade, I ween; Your traddles but aruie, twa o’ them broken: Ye're no sae rich as ye wad seem. I douna think on cawing your pirns, you’ll ay be girnin’, and ay at hame; I doubt you’ve stoun your team o’ yarn: ye’re no so rich as ye wad seem.
For a’ your mug and stinking sowen, I rather wad hae a cegfu' o' ream: Commend me to a lad that has a’ growing: ye re no so rich as ye wad seem. I saw the pot ye got from Holland, reaming wi wash a-hint your loom, To lay the touzie hair on the plaiden: ye’re no sae rich as ye wad seem.
A spurtle Johnny, is easy gotten, (illegible text) be slick may do that's clean: But (illegible text) the meal to mak the brose? ye’re no so rich as ye wad seem. Your huggar an’ sa’t is black and reeket, wad poison a sow, it’s far frae clean; An' wha wad marry a man for a jacket? ye're no sae rich as ye wad seem.
Ye brag me wi’ the ha'f o’ your herrin, but I cou’d eat a hale one mysel: I doubt your livin' will be but sharin’, ye’re no sae rich as ye wad seem. About your baffen I’ll say but little; but what s (illegible text) the kist fain wad ken: I doubt, I doubt it's as dry’ a whistle; ye’re no sae rich as ye wad seem.
But tho’ your purse be blank an' hollow, it’s hard to say yet what may be done: But after a’ ye’re a canty fellow, >tho no sae rich as ye wad seem. Sae tak your plaid about you, Johnny, and come your wa up-by st e'en; l like a lad that's brisk and bonny, tho’ no sae rich as he wad seem.
