Salmagundi (Huddesford, 1791)/Epigrammata

​

EPIGRAMMATA.

IN SOMNIS VIDERAT HERMOGENEM.

Reges Occidunt verbis, basiliscus ocello,
Aëre desævit pestis, et ore leo:
Esse tamen Medicis propiora negotia Fati
Creditur, Umbra eadem est Mortis et Hermogenis.

LONGA DIES IGITUR QUID CONTULIT?

Longa Dies igitur quid contulit, Optime, quæris?
Noctem, ni fallor, contulit ille Brevem.

IN TONSOREM VERSIFICANTEM.

Quid Tibi Cum Phæbo?—non est Barbatus Apollo.

​

EPITAPHIUM JUVENIS QUI PROPTER AMOREM
"MOLLY STONE" MORTEM SIBI CONSCIVIT.

Molly fuit Saxum; si Saxum Molle fuisset
Non foret Hic subtùs, sed superesset Eam.

IN ILLUSTRISSIMAM DOMINAM———
IN AGRO BLENH——— ᾽επουροῢσαν,

Salve Regia Virgo, quæ recenti
Largè nostra rigas vireta rivo!—
O, quæ tam benè mingis et benignè,
Vero nomine dicta Principissa!

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.