Page:The poetical works of Robert Burns.djvu/277
This page has been proofread, but needs to be validated.
THE SONGS OF BURNS.
217
TAM GLEN.
TUNE—'THE MUCKING O' GEORDIE'S BYRE.'
My heart is a breaking, dear Tittie,
Some counsel unto me come len',
To anger them a' is a pity;
But what will I do wi' Tam Glen?
Some counsel unto me come len',
To anger them a' is a pity;
But what will I do wi' Tam Glen?
I'm thinking, wi' sic a braw fallow,
In poortith I might mak a fen';
What care I in riches to wallow,
If I maunna marry Tam Glen?
In poortith I might mak a fen';
What care I in riches to wallow,
If I maunna marry Tam Glen?
There's Lowrie the laird o' Dumeller,
'Guid-day to you, brute!' he comes ben:
He brags and he blaws o' his siller,
But when will he dance like Tam Glen?
'Guid-day to you, brute!' he comes ben:
He brags and he blaws o' his siller,
But when will he dance like Tam Glen?
My minnie does constantly deave me,
And bids me beware o' young men;
They flatter, she says, to deceive me;
But wha can think sae o' Tam Glen?
And bids me beware o' young men;
They flatter, she says, to deceive me;
But wha can think sae o' Tam Glen?
My daddie says, gin I'll forsake him,
He'll gie me guid hunder marks ten:
But, if it's ordain'd I maun take him,
O wha will I get but Tam Glen?
He'll gie me guid hunder marks ten:
But, if it's ordain'd I maun take him,
O wha will I get but Tam Glen?
Yestreen at the Valentines' dealing,
My heart to my mou gied a sten:
For thrice I drew ane without failing,
And thrice it was written, Tam Glen.
My heart to my mou gied a sten:
For thrice I drew ane without failing,
And thrice it was written, Tam Glen.
The last Halloween I was waukin
My droukit sark-sleeve, as ye ken;
His likeness cam up the house staukin—
And the very grey breeks o' Tam Glen!
My droukit sark-sleeve, as ye ken;
His likeness cam up the house staukin—
And the very grey breeks o' Tam Glen!
Come counsel, dear Tittie, don't tarry;
I'll gie you my bonie black hen,
Gif ye will advise me to marry
The lad I lo'e dearly, Tam Glen.
I'll gie you my bonie black hen,
Gif ye will advise me to marry
The lad I lo'e dearly, Tam Glen.
WHAT CAN A YOUNG LASSIE DO WI' AN AULD MAN.
TUNE—'WHAT CAN A LASSIE DO.'
What can a young lassie, what shall a young lassie,
What can a young lassie do wi' an auld man?
Bad luck on the penny that tempted my minnie
To sell her poor Jenny for siller an' lan'!
Bad luck on the penny, &c.
What can a young lassie do wi' an auld man?
Bad luck on the penny that tempted my minnie
To sell her poor Jenny for siller an' lan'!
Bad luck on the penny, &c.
He's always compleenin frae mornin to e'enin,
He hosts and he hirples the weary day lang:
He's doylt and he's dozin, his bluid it is frozen,
O, dreary's the night wi' a crazy auld man!
He hosts and he hirples the weary day lang:
He's doylt and he's dozin, his bluid it is frozen,
O, dreary's the night wi' a crazy auld man!
He hums and he hankers, he frets and he cankers,
I never can please him do a' that I can;
He's peevish, and jealous of a' the young fellows:
O, dool on the day, I met wi' an auld man!
I never can please him do a' that I can;
He's peevish, and jealous of a' the young fellows:
O, dool on the day, I met wi' an auld man!
My auld auntie Katie upon me takes pity,
I'll do my endeavour to follow her plan;
I'll cross him, and rack him, until I heart-break him,
And then his auld brass will buy me a new pan.
I'll do my endeavour to follow her plan;
I'll cross him, and rack him, until I heart-break him,
And then his auld brass will buy me a new pan.