Page:The poetical works of Robert Burns.djvu/258
This page has been proofread, but needs to be validated.
202
THE SONGS OF BURNS.
HARK! THE MAVIS.
TUNE—'CA' THE YOWES TO THE KNOWES.'
Chorus.
Ca' the yowes to the knowes,
Ca' them where the heather grows,
Ca' them where the burnie rows,
My bonie dearie.
Ca' the yowes to the knowes,
Ca' them where the heather grows,
Ca' them where the burnie rows,
My bonie dearie.
Hark! the mavis' evening sang
Sounding Clouden's woods amang,
Then a faulding let us gang,
My bonie dearie.
Ca' the, &c.
Sounding Clouden's woods amang,
Then a faulding let us gang,
My bonie dearie.
Ca' the, &c.
We'll gae down by Clouden side,
Thro' the hazels spreading wide,
O'er the waves that sweetly glide
To the moon sae clearly.
Ca' the, &c.
Thro' the hazels spreading wide,
O'er the waves that sweetly glide
To the moon sae clearly.
Ca' the, &c.
Yonder Clouden's silent towers,
Where at moonshine midnight hours,
O'er the dewy-bending flowers,
Fairies dance sae cheery.
Ca' the, &c.
Where at moonshine midnight hours,
O'er the dewy-bending flowers,
Fairies dance sae cheery.
Ca' the, &c.
Ghaist nor bogle shalt thou fear;
Thou'rt to love and Heaven sae dear,
Nocht of ill may come thee near,
My bonie dearie.
Ca' the, &c.
Thou'rt to love and Heaven sae dear,
Nocht of ill may come thee near,
My bonie dearie.
Ca' the, &c.
Fair and lovely as thou art,
Thou hast stown my very heart;
I can die—but canna part,
My bonie dearie.
Ca' the, &c.
Thou hast stown my very heart;
I can die—but canna part,
My bonie dearie.
Ca' the, &c.
While waters wimple to the sea;
While day blinks in the lift sae hie;
Till clay-cauld death shall blin' my ee,
Ye shall be my dearie.
Ca' the, &c.
While day blinks in the lift sae hie;
Till clay-cauld death shall blin' my ee,
Ye shall be my dearie.
Ca' the, &c.
LASSIE WI' THE LINT-WHITE LOCKS.
TUNE—'ROTHIEMURCHUS'S RANT.'
Chorus.
Lassie wi' the lint-white locks,
Bonie lassie, artless lassie,
Wilt thou wi' me tent the flocks?
Wilt thou be my dearie O?
Lassie wi' the lint-white locks,
Bonie lassie, artless lassie,
Wilt thou wi' me tent the flocks?
Wilt thou be my dearie O?
Now nature cleeds the flowery lea,
And a' is young and sweet like thee;
O wilt thou share its joys wi' me,
And say thou'lt be my dearie O?
Lassie wi', &c.
And a' is young and sweet like thee;
O wilt thou share its joys wi' me,
And say thou'lt be my dearie O?
Lassie wi', &c.
And when the welcome simmer-shower
Has cheer'd ilk drooping little flower,
We'll to the breathing woodbine bower
At sultry noon, my dearie O.
Lassie wi', &c.
Has cheer'd ilk drooping little flower,
We'll to the breathing woodbine bower
At sultry noon, my dearie O.
Lassie wi', &c.
When Cynthia lights, wi' silver ray,
The weary shearer's hameward way,
Thro' yellow waving fields we'll stray,
And talk o' love, my dearie O.
Lassie wi', &c.
The weary shearer's hameward way,
Thro' yellow waving fields we'll stray,
And talk o' love, my dearie O.
Lassie wi', &c.
And when the howling wintry blast
Disturbs my lassie's midnight rest;
Enclasped to my faithfu' breast,
I'll comfort thee, my dearie O.
Lassie wi' the lint-white locks,
Bonie lassie, artless lassie,
Wilt thou wi' me tent the flocks?
Wilt thou be my dearie O?
Disturbs my lassie's midnight rest;
Enclasped to my faithfu' breast,
I'll comfort thee, my dearie O.
Lassie wi' the lint-white locks,
Bonie lassie, artless lassie,
Wilt thou wi' me tent the flocks?
Wilt thou be my dearie O?