Page:Ruffhead - The Statutes at Large, 1763.djvu/224

PUR ceo qe entre autres oppressions & grevaunces qe le poeple ad sentu par viscontes & autres Ministres countre fourme des ftatutz & autres remedies de ceo purveus il se sent mult greive de ceo qe ascuns viscountes & autres ministres ne aquitent mie al Escheker nostre seign' le Roi ceux des queux il ount leve deners al oeps le Roi par somons del Escheker e dount il ount fait taille al dettour ou autre acquitaunce & de ceo qe en jurez de vint & quatre ie proces ad este long sicome monstre fust a nostre Seign' le Roi Edward fitz le Roi Edward a son parlement a Westmonster as utaves de la Seint Michel lan de son regne quatorzisme par pleinte de la commune de son roialme nostre Seign' le Roi desiraunt purveer & mettre remedie au profiste son poeple par assent des Prelatz Countes & Barouns & tote la commune de son roialme en dit parlement fist & establist les estatuz qe sensuent. A deprimes des visconts & autres ministres qe ount leve la dette le Roi & fount taille ou autre acquitaunce au dettour & ne laquitent pas al Escheker & de ceo font empledez al Escheker & par favour sount mys as petites issues queux il voillent plus voillentiers perdre qe venir a respons & issint sont les pleintifs totes voies chargez a mult grant damage & oppreffion de eux ordene est & establi que Sheriffs.visconte ou autre ministre quant il est de ceo enplede al Escheker & soit adavaunt ale en le pie qe la grant destresce soit retourne sur lui & il ne veigne pas a respons adonqes isse autre brief de destresce retournable a certein jour en queu bref soit maunde qe proclamacion soit faite en plein countee qe le defendaunt veigne a ceu jour & aquite le dettour de la summe dount il fist taille ou aquitaunce a queu jour si le defendaunt ne veigne pas & bref soit retourne & proclamacion tesmoigne soit tenu pur convict & la dette leve de lui auxi come dette recoveri en la Court le Roi & damages agardez au pleintif solom descretion des Barons. Et doit cest estatut estendre auxi bien a ceux qe ount estiez viscountes & autres ministres tut lessent il lour baillies come a viscontes & autres ministres taunt come il tenent lour baillies. Et nest mie lentention de nostre Seign' le Roi ne de son counseil qe par cest estatut seit nul home forclose qil ne se puisse pleindre fur viscounte & autre ministre quant il serra trove al Escheker & qil respoignent illoeqs auxi come ad este use renablement devant ceo temps. Attaints.Des proces escourcer en jurez de vint & quatre pur ceo qe par la ley cea enarere use Juatices nalerent point as tieles jurez prendre avant ceo qe touz les primers jurours qe furent en vie eussent apparu devant eux en Court et tieux jurours doiauntz estre ateintz voleint miels perdre lour issues qe apparer en court par quei les pleintifs furent trop delaiez & faux serement rerement puny ordene est & establi qe si les primers jurours qe serront en vie ne apiergent pas en Court devant les Justices qe serront assignez as tieux jurez prendre a la primere grant destresce sur eux retourne ou qe retourne soit qil ne ount rien par quei il pussent estre destreint qe adonqs pur lour absence ne soit pas delaie la prise de la jure sauvee & gardee en totes autres choses le proces en tieles jurez use cea en arere.

REX dilectis & fidelibus suis Henrico le Scrop & sociis suis Justitiari is nostris ad placita coram nobis tenenda assignatis salutem. Quedam statuta per nos in parliamento nostro apud Westm' in octabis Sancti Michaelis proximo preteritis convocato de assensu Prelatorum Comitum Baronum & totius Communitatis regni nostri ibidem existentium ad communem utilitatem populi ejusdem regni edita vobis mittimus sub sigillo nostro consignata Mandantes quatenus statuta illa coram vobis publicari & ea in omnibus & singulis suis articulis quantum ad vos pertinet firmiter teneri faciatis. T.R. apud Westm' iiij. die Junii.