Page:Ruffhead - The Statutes at Large, 1763.djvu/174

Unqore qil desendu de par le Roi qe nul apporte deniers en ceo pais ai ceo ne soit pur ses despences ne soit si hardy de ariveren Engleterre si force de tournement ne lui chace per bone testmoignance forspris a Dovorr' & a Sandewyz a Loundres & a seint Botolf a Southampton & as autres de cynk portes quant il vendra as ascuns de ceux lieux qil bien & loialment monstre ses deniers a celui qi serra assigne depar le Roi sanz nul concelement sur forfaiture du corps & des averes.

Et qi dilloeqes ne apporte ne alloigne le av' per lui ne per autre jesqes a taunt qe la monoye soit vewe & examine per celui qe le Roi assignera.

Derechief qil soit crie & desendu depar le Roi sur forfaiture du corps & de avoir qe nulle homme soit si hardy de mettre nulle monoye entre draps & fardeux nen hales ou en ascune manere dount suspecion puisse estre de nul concelement Et si null tiel soit trove celui qe lui trovera eit quatre deniers de la livre & tout le remenaunt soit au Roi.

Unqore qil soit crie & comaunde per le Roi qi qe trove denier feru dautri coigne qe del coigne le Roi Dengleterre ou Descoce ou Dirland ou denier retoundu qe il le perde Et qe nul' ne soit si hardy de countredire le sure forfaiture & ceo qil trovera faux qil soit despesce saunz rendre Et le corps celui en qi main le faux denier ou retoundu appiert trove soit pris & resceu jesqes a taunt qil eit trove son garaunt si tiel soit homme suspecionous.

Et purceo qe nuls des gentz poures ou riches ne savent conustre les legier deniers & les retounduz si est ordene que qui deforemes devera resceiv' ou deliverer deniers les resceive ou livre per pois de v. s. enamunt & de v. s. enavale per toumbrell livere per gardein del eschaunge merche del merche le Roi sicome sount les mesures.

Et bien list a chescun de percer le denier qe de riens passera le Toumbrell' & le denier dautre coigne qe del coigne le Roi Dengleterre Dirland' & Descoce les pois serrount auxibien liverez & merchez per le gardein del chaunge come le Toumbrell'.

De veours & gardours de la monoie qe vendra de la outre quant qil avera regarde al oiel il poisera & sil trove de novelx deniers qe la livre ne poise mye xx. s. per noumbre de quatre deniers donqes regarde il per le Toumbrell' la ou le defaute serra Et sil soit devers deniers qe molt sount usez si tost entrerent la liv' xx. s. & al meins soient liverez a celui qe les avera porte saunz countredit mes si pluis y entrant face auxi de ceux come des autres & le gardour avantdit si preigne bone garde qil ne preigne doun ou louer pur faire nulle manere de desport ne extortion ne face noundue auxint come ils voillent sauver soi & ses biens.

Edwardus Dei Gratia Rex Anglie Dominus Hibernie & Dux Aquitanie Vic. Lincoln salutem. Quia mercatores alienigene & etiam quidam indigene regni nostri de die in diem deferunt in idem regnum de partibus transmarinis monetam nostram retonsam & aliam de diversis cuneis contrafactam monete nostre commixtam negotiantes & mercantes de eadem moneta in nostri damnum & totius populi nostri non modicum acetiam in subversionem totius monete nostre Nos super hoc ne fortassis per tolerantiam longiorem periculum majus immineat remedium adhibere volentes tibi precipimus sicut alias quod in pleno comitatu tuo & in singulis civitatibus & villis mercatoriis ejusdem comitatus firmiter inhiberi & publice proclamari facias Ne quis mercator alienigena vel quicunque alius hujusmodi monetam nostram retonsam seu etiam aliam de alienis cuneis contrafactam de cetero in regnum deferat vel etiam eain mercandizando vel negotiando utatur Quod si fecerint prima vice qua super hoc deprehensi fuerint monetam illam retonsam vel etiam aliam controfactam amittant Et si iidem iterum in consimili delicto deprehensi fuerint monetam illam & etiam alia bona sua secum inventa amittant Et si tertia vice idem delictum commiserint & deprehensi fuerint de corporibus suis & etiam de omnibus bonis & catallis suis nobis totaliter incurratur. Alii autem qui mercatores non fuerint & monetam nostram retonsam vel aliam controfactam habuerint statim earn perforent & ad excambium nostrum transmittant de novo sub cuneo nostro cudendam Alioquin in quorum manibus hujusmodi moneta reperta fuerit Nobis sit penitus forisfacta. Et nisi hoc mandatum nostrum plene exequaris Nos ad te & tua graviter capiemus T. W. de Marchia Thes. nostro xxi die Jun. Anno regni nostri xx.

Ces sount les articles qe sount dela la meer & de cea a graunt damage nostre Signur le Roi & de son poeple & a graunt corrupcion de sa monoye Dengleterre.

Primerement homme fait la outre une manere de monoie dargent ove une mitre les xx s. de la quele monoie ne poise mesque xvi s. iiij. d. Dengleterre.

Derechief lem fait autres deux maneres de monoie ove liouns dount il y ad bendes en la une monoie & en lautre nient mes qils sount auxi legiers come la monoie de mytre.

Unqore lem fait auxibien de cea come de la une manere de faux monoie qe est pure dequiver & est blaunche & quant ele est novele ele resemble la monoye Dengleterre.