Page:Hesiod, The Homeric Hymns, and Homerica.djvu/520

This page has been proofread, but needs to be validated.

ΟΜΗΡΟΥ ΕΠΙΓΡΑΜΜΑΤΑ

I

 Αἰδεῖσθε ξενίων κεχρημένον ἠδὲ δόμοιο,
οἳ πόλιν αἰπεινήν, Κύμην ἐριώπιδα κούρην,
ναίετε, Σαρδήνης πόδα νείατον ὑψικόμοιο,
ἀμβρόσιον πίνοντες ὕδωρ θείου ποταμοῖο,
Ἕρμου δινήεντος, ὃν ἀθάνατος τέκετο Ζεύς. 5

II

 Αἶψα πόδες με φέροιεν ἐς αἰδοίων πόλιν ἀνδρῶν·
τῶν γὰρ καὶ θυμὸς πρόφρων καὶ μῆτις ἀρίστη.

III

 Χαλκέη παρθένος εἰμί, Μίδεω δ’ ἐπὶ σήματι κεῖμαι·
ἔστ’ ἂν ὕδωρ τε νάῃ[1] καὶ δένδρεα μακρὰ τεθήλῃ,
ἠέλιος τ’ ἀνιὼν λάμπῃ λαμπρά τε σελήνη,
καὶ ποταμοί γε ῥέωσιν ἀνακλύζῃ δὲ θάλασσα,
αὐτοῦ τῇδε μένουσα πολυκλαύτου ἐπὶ τύμβου 5
ἀγγελέω παριοῦσι, Μίδης ὅτι τῇδε τέθαπται.

IV

 Οἵῃ μ’ αἴσῃ δῶκε πατὴρ Ζεὺς κύρμα γενέσθαι,
νήπιον αἰδοίης ἐπὶ γούνασι μητρὸς ἀτάλλων.
ἥν ποτ’ ἐπύργωσαν βουλῇ Διὸς αἰγιόχοιο

  1. ↑ Plato, Diogenes, Contest of Homer: ῥόῃ, pseudo-Herodotus.
466
This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.