Page:Hand-book of Volapük (Sprauge, 1888).djvu/74

This page has been proofread, but needs to be validated.

LILÄDAM.

1. BISIEDAL GARFIELD. Dun balid söla Garfield, bisiedal de Tats pebalöl pos finam cälama oma as bisiedal Pübliga legletik et, äbinom kidön moti e jimateli omik len stunam e betikälam de cifals gletik e pop nenumlik läna et, kels äbinoms plisenik pötü zäl et.

Kikod edunom atosi? Ibo mote oma edebom sibini, nulüdi e dadukami, kels eblinoms ome diniti mayedikün fataläna omik; ed in jimatel oma ituvom jikopaneli fiedik, divodik, fägik e stimik in lefulön debis jimatelik e domik!

O net läbik! O! labedöl regalis aistümöl ed aistimöl tugi e fetanis famülik! Joseph Holden (nelijel).

2. KON. Läd nelijik, polöl dogi smalik in lams ofik, lüodof äl valädasäl stejena de Lyon.

Pecälel sembal leloda stopom ofi e sagom:

„Läd, no kanol bekipön dogi olik ko ol.“

„Desidob bekipön omi ko ob.“

„Atos binos nemögik. Dogs binoms papolöl delidü tävels e paninkiköl in lelodavab patik.“

„No oninkikol obiki!“

„Oninkikob oliki i: sesum nonik sibinom.“

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.