Page:Five songs (2).pdf/4

‘At e’en when hope amaist is gane,
I dauner out, or sit alane,
Sit alane beneath the tree
Where aft he kept his tryst wi’ me.
O! cou’d I see thae day’s again,
My lover skaithless, an’ my ain!
Belov’d by frien’s, rever’d by faes,
We’d live in bliss on Logan Braes.”

While for her love she thus did sigh,
She saw a sodger passing by,
Passing by wi’ scarlet claes,
While sair she grat on Logan braes:
Says he, “What gars thee greet say sair,
What fills thy heart sae fu’ o’ care?
Thae sporting lambs ha’e blythesome days,
An’ playful skip on Logan braes?”

“What can I do but weep and mourn?
I fear my lad will ne’er return,
Ne’er return to ease my waes,
Will ne’er come hame to Logan braes.”
Wi’ that he clasp’d her in his arms,
And said, “I’m free from war’s alarms,
I now hae conquer’d a’ my faes,
We’ll happy live on Logan braes,”

Then straight to Logan kirk they went,
And join’d their hands in one consent,
Wi’ one consent to end their days,
An’ live in bliss on Logan braes
An’ now she sings, “thae days are gane,
When I wi’ grief did herd alane,
While my dear lad did fight his faes,
Far, far frae me an’ Logan braes.”