Page:Five songs (2).pdf/3

Bessy Bell and Mary Gray
Ye unco sair oppress us;
Our fancies jee between you twa,
Ye are sic bonnie lasses.
Waes me, for baith I canna get,
To ane by law we’re stented;
Then I’ll draw cuts and take my fate,
And be with ane contented.

‘By Logan’s streams that rin sae deep,
Fu’ aft wi’ glee I’ve herded sheep;
Herded sheep, or gathered slaes,
Wi’ my dear lad, on Logan braes,
But waes my heart, thae days are gane,
And I, wi’ grief may herd alane;
While my dear lad maun face his faes,
Far, far frae me and Logan braes.

‘Nae mair at Logan kirk will he
Atween the preachings meet wi’ me;
Meet wi’ me, or whan its mirk,
Convoy me hame frae Logan kirk,
I weel may sing thae days are gane—
Frae kirk an’ fair I come alane,
While my dear lad maun face his face,
Far, far frae me, an’ Logan braes!