Page:Essays, Vol 4 (Ives, 1925).pdf/74

62 ESSAYS OF MONTAIGNE

nature plustost. Certes, elle m’a traitté illegitimement et incivilement, — Si non longa satis, si non bene mentula crassa;"

Nimirum sapiunt, videntque parvam Matron quoque mentulam illibenter, —*

(c) et d’une lesion enormissime. Chacune de mes pieces me faict esgalemant moi que toute autre. Et nulle autre ne me faict plus proprement homme que cette-cy. Je dois au pu- bliq universellement mon portraict.

La sagesse de ma legon est en verité, en liberté, en essence, toute; desdeignant, au rolle de ses vrais devoirs, ces petites regles, feintes, usuelles, provinciales; naturelle toute, con- stante, universelle, de laquelle sont filles, mais bastardes, la civilité, la ceremonie. Nous aurons bien les vices de |’ap- parance, quand nous aurons eu ceux de l’essence. Quand nous aurons faict 2 ceux icy, nous courrons sus aux autres, si nous trouvons qu'il y faille courir. Car il y a dangier que nous fantasions des offices nouveaux pour excuser nostre negligence envers les naturels offices et pour les confondre. Qu’il soit ainsin: il se voit qu’és lieux od les fautes sont male- fices, les malefices ne sont que fautes; qu’és nations oi les loix de la bienseance sont plus rares et lasches, les loix primi- tives et communes sont mieux observées, |’innumerable multitude de tant de devoirs suffoquant nostre soing, l’alan- guissant et dissipant. L’application aux menues choses nous retire des pressantes. O que ces hommes superficiels pren- nent une route facile et plausible au prix de la nostre. Ce sont ombrages de quoi nous nous plastrons et entrepaions; mais nous n’en paions pas, aingois en rechargeons nostre debte envers ce grand juge qui trousse nos panneaux et hail- lons d’autour nos parties honteuses, et ne se feint point a nous voir par tout, jusques a nos intimes et plus secrettes ordures. Utile decence de nostre virginale pudeur, si elle luy pouvoit interdire cette descouverte. En fin, qui des- niaiseroit l'homme d’une si scrupuleuse superstition ver- bale n’aporteroit pas grande perte au monde. Nostre vie est partie en folie, partie en prudence. Qui n’en escrit que

! Priapea, LXXX, t. * Iéid., VIII, 4.

Gor gle