Page:Essays, Vol 4 (Ives, 1925).pdf/67
BOOK III, CHAPTER V 55
nostre nation, abastardit par sa facilité la grace des baisers, lesquels Socrates dit estre si puissans et dangereux a voler nos cueurs.! C’est une desplaisante coustume, et injurieuse aux dames, d’avoir a prester leurs lévres a quiconque a trois valets d sa suitte, pour mal plaisant qu'il soit;
Cuius livida naribus caninis Dependet glacies rigetque barba, Centum occurrere malo culilingis.?
Et nous mesme n’y gaignons guere: car, comme le monde se voit party, pour trois belles il nous en faut baiser cinquante laides; et a un estomac tendre, comme sont ceux de mon aage, un mauvais baiser en surpaie un bon.
Ils font les poursuyvans en Italie, et les transis, de celles mesmes qui sont a vendre; et se defendent ainsi: qu'il y a des degrez en la jouyssance, et que par services ils veulent obtenir pour eux celle qui est la plus entiere. Elles ne vend- ent que le corps; la volonté ne peut estre mise en vente, elle est trop libre et trop sienne. Ainsi ceux-cy disent que c’est la volonté qu’ils entreprennent, et ont raison. C'est la vo- lonté qu’il faut servir et practiquer. J’ay horreur d’imaginer mien un corps privé d’affection; et me semble que cette for- cenerie est voisine a celle de ce garcon qui alla salir par amour la belle image de Venus que Praxiteles avoit faicte; * ou de ce furieux Egyptien eschauffé apres la charongne d’une morte qu’il embaumoit et ensueroit; lequel donna oc- casion 4 la loi, qui fut faicte depuis en A°gypte, que les corps des belles et jeunes femmes et de celles de bonne maison seroyent gardez trois jours avant qu’on les mit entre les mains de ceux qui avoyent charge de prouvoir a leur enter- rement.* Periander fit plus monstrueusement, qui estendist l’affection conjugale (plus reiglée et legitime) 4 la jouyssance de Melissa, sa femme trespassée.® (c) Ne semble ce pas estre une humeur lunatique de la Lune, ne pouvant autrement jouir de Endymion, son mignon, I’aller endormir pour plu-
1 See Xenophon, Memorabilia, I, 3.11.
? Martial, VII, 95.10.
7 See Valerius Maximus, VIII, 11, ext. 4. 4 See Herodotus, II, 89.
- See Idem, Y, 92.