Page:Essays, Vol 4 (Ives, 1925).pdf/54
42 ESSAYS OF MONTAIGNE
montons le pris et le desir de la conqueste. Seroit-ce pas Venus mesme qui eut ainsi finement haussé le chevet a sa marchandise par le maquerelage des loix, cognoissant com- bien c’est un sot desduit qui ne le feroit valoir par fantaisie et par cherté? En fin c’est tout chair de porc que la sauce diversifie, comme disoit |"hoste de Flaminius.? Cupidon est un dieu felon; il faict son jeu a luitter la devotion et la jus- tice; c’est sa gloire, que sa puissance choque tout’ autre puis- sance, et que toutes autres regles cedent aux siennes. Materiam culpe prosequiturque suz.*
Et quant au second poinct: serions nous pas moins coqus si nous craignions moins de l’estre, suyvant la complexion des femmes, car la defence les incite et convie?
Ubi velis, nolunt; ubi nolis, volunt ultro;# Concessa pudet ire via.‘
Quelle meilleure interpretation trouverions nous au faict de Messalina? Elle fit au commencement son mary coqu a cachetes, comme il se faict; mais, conduisant ses parties trop ayséement, par la stupidité qui estoit en luy, elle desdaigna soudain cet usage. La voyla a faire l’amour 4 la descouverte, advouer des serviteurs, les entretenir et les favoriser a la veiie d'un chacun. Elle vouloit qu’il s’en res- sentit. Cet animal ne se pouvant esveiller pour tout cela, et luy rendant ses plaisirs mols et fades par cette trop lache facilité par laquelle il sembloit qu’il les authorisat et legiti- mat, que fit elle? Femme d’un Empereur sain et vivant, et a Romme, au theatre du monde, en plein midy, en feste et ceremonie publique, et avec Silius, duquel elle jouyssoit long temps devant, elle se marie un jour que son mary estoit hors de la ville. Semble il pas qu'elle s’acheminast 4 devenir chaste par la nonchallance de son mary, ou qu'elle cerchast un autre mary qui luy esguisast l’appetit par sa jalousie, (c) et qui, en luy insistant, ’incitat? (2) Mais la premiere difficulté qu’elle rencontra fut aussi la derniere. Cette beste s’esveilla en sursaut. On a souvent pire marché de ces sour-
1 See Plutarch, Apothegms of Kings, ete.
2 Ovid, Tristia, IV, 1.34. * Terence, Eunuchus, IV, 8.43.
- Lucan, II, 446.