Page:Essays, Vol 4 (Ives, 1925).pdf/52

4o ESSAYS OF MONTAIGNE

pour les trompeter en eschaffaux tragiques; et mal’heurs qui ne pinsent que par le rapport. Car bonne femme et bon mariage se dict non de qui l’est, mais duquel on se taist. II faut estre ingenieux 4 eviter cette ennuyeuse et inutile cognoissance. Et avoyent les Romains en coustume, re- venans de voyage, d’envoyer au devant en la maison faire scavoir leur arrivée aus femmes, pour ne les surprendre.' Et pourtant a introduit certaine nation que le prestre ouvre le pas a l’espousée, le jour des nopces, pour oster au marié le doubte et la curiosité de cercher en ce premier essay si elle vient a luy vierge ou blessée d’un’ amour estrangere.* Mais le monde en parle. Je scay cent honnestes hommes coqus, honnestement et peu indecemment. Un galant homme en est pleint, non pas desestimé. Faites que vostre vertu estouffe vostre mal’heur, que les gens de bien en maudissent occasion, que celuy qui vous offence tremble seulement a le penser. Et puis, de qui ne parle on en ce sens, depuis le petit jusques au plus grand? Tot qui legionibus imperitavit, Et melior quam tu multis fuit, improbe, rebus.*

Voys tu qu’on engage en ce reproche tant d’honnestes hommes en ta presence? Pense qu’on ne t’espargne non plus ailleurs. Mais jusques aux dames, elles s’en moqueront. Et dequoy se moquent elles en ce temps plus volontiers que d’un mariage paisible et bien composé? (c) Chacun de vous a faict quelqu'un coqu; or nature est toute en pareilles, en compensation et vicissitude. (4) La frequence de cet acci- dent en doibt meshuy avoir moderé l’aigreur: le voyla tantost passé en coustume. Miserable passion, qui a cecy encore, d’estre incommunicable;

Fors etiam nostris invidit questibus aures;‘

car 4 quel amy osez vous fier vos doleances, qui, s’il ne s’en rit, ne s’en serve d’acheminement et d’instruction pour prendre luy-mesme sa part 4 la curée?

1 See Plutarch, Roman Questions, IX.

2 See Gomara, General History of the Indies.

• Lucretius, III, 1028, 1026, Both lines were changed by Montaigne

to suit his purpose.

• Catullus, LXIV, 170.