Page:Essays, Vol 4 (Ives, 1925).pdf/47

BOOK III, CHAPTER V 35

choses servent d’aliment, et moins de choses de remede. (¢) La vertu, la santé, le merite, la reputation du mary sont les boutefeus de leur maltalent et de leur rage:

Nullz sunt inimicitiz, nisi amoris, acerbe. Cette fievre laidit et corrompt tout ce qu’elles ont de bel et de bon d’ailleurs; et d’une femme jalouse, quelque chaste qu'elle soit et mesnagere, il n’est action qui ne sente a laigre et 4 l'importun. C’est une agitation enragée, qui les rejecte 4 une extremité du tout contraire a sa cause. II fut bon d’un Octavius 4 Romme: ayant couché avec Pontia Posthumia, il augmenta son affection par la jouyssance, et poursuyvit 4 toute instance de l’espouser; ne la pouvant per- suader, cet amour extreme le precipita aux effects de la plus cruelle et mortelle inimitié: il la tua.* Pareillement, les symptomes ordinaires de cette autre maladie amoureuse, ce sont haynes intestines, monopoles, conjurations, —

notumque furens quid feemina possit,? —

et une rage qui se ronge d’autant plus qu'elle est contraincte de s’excuser du pretexte de bienvueillance.

Or le devoir de chasteté a une grande estendue. Est-ce la volonté que nous voulons qu’elles brident? C’est une piece bien soupple et active; elle a beaucoup de promptitude pour la pouvoir arrester. Comment? si les songes les en- gagent par fois si avant qu’elles ne s’en puissent desdire. II n'est pas en elles, ny a l’advanture en la Chasteté mesme, puis qu’elle est femelle, de se deffendre des concupiscences et du desirer. Si leur volonté seule nous interesse, of en sommes nous? Imaginez la grande presse, a qui auroit ce privilege d’estre porté tout empenné, sans yeux et sans langue, sur le poinct de chacune qui l’accepteroit. (c) Les femmes Scythes crevoint les yeux a tous leurs esclaves et prisoniers de guerre pour s’en servir plus librement et cou- vertement.*

(4) O le furieux advantage que l’opportunité! Qui me demanderoit la premiere partie en |’amour, je responderois

1 Propertius, II, 8.3.

1 See Tacitus, Annals, XIII, 44 and History, IV, 44.

• Virgil, Eneid, V, 6.

• See Herodotus, IV, 2. Montaigne misread the text.