Page:Essays, Vol 4 (Ives, 1925).pdf/45

BOOK III, CHAPTER V 33

doibt inciter 4 se conserver, la corruption de ce siecle les y force; et, si j’estois en leur place, il n'est rien que je ne fisse plustost que de commettre ma reputation en mains si dan- gereuses. De mon temps, le plaisir d'en compter (plaisir qui ne doit guere en douceur a celuy mesme de effect) n’estoit permis qu’a ceux qui avoient quelque amy fidelle et unique; a present les entretiens ordinaires des assemblées et des tables, ce sont les vanteries des faveurs receues et liberalité secrette des dames. Vrayement c’est trop d’abjection et de bassesse de coeur de laisser ainsi fierement persecuter, pestrir et fourrager ces tendres graces A des personnes in- grates, indiscrettes et si volages. Cette nostre exasperation immoderée et illegitime contre ce vice naist de la plus vaine et tempestueuse maladie qui afflige les ames humaines, qui est la jalousie.

Quis vetat apposito lumen de lumine sumi? ! Dent licet assidue, nil tamen inde perit.?

Celle-la et l’envie, sa sceur, me semblent des plus ineptes de la trouppe. De cette-cy je n’en puis guere parler: cette passion, qu’on peinct si forte et si puissante, n’a de sa grace aucune addresse en moy. Quand 4 |’autre, je la cognois, aumoins de veue. Les bestes en ont ressentiment: le pasteur Crastis estant tombé en l’amour d’une chevre, son bouc, ainsi qu’il dormoit, luy vint par jalousie choquer la teste de la sienne et la luy escraza.*? Nous avons monté ]’excez de cette fievre 4 l’exemple d’aucunes nations barbares; les mieux disciplinées en ont esté touchées, c'est raison, mais non pas transportées:

Ense maritali nemo confossus adulter Purpureo Stygias sanguine tinxit aquas.*

Lucullus, Cxsar, Pompeius, Antonius, Caton et d'autres braves hommes furent cocus, et le sceurent sans en exciter tumulte.* Il n’y eust, en ce temps 14, qu’un sot de Lepidus qui en mourut d’angoisse.®

! Ovid, De Arte Amandi, III, 93. ? Priapea, III, 2.

• See Zlianus, Historia dnimaiium, VI, 42.

« Jean Second, Elegies, I, 7.71.

• For all these, see their respective Lives by Plutarch.

• See Plutarch, Life of Pompey.