Page:Essays, Vol 4 (Ives, 1925).pdf/44

32 ESSAYS OF MONTAIGNE

(c) Car cette loi qui leur commande de nous abominer par ce que nous les adorons, et nous hair de ce que nous les aimons, elle est certes cruelle, ne fut que de sa difficulté. Pourquoy n’orront elles nos offres et nos demandes autant qu’elles se contiennent sous le devoir de la modestie? Que va l’on divinant qu’elles sonnent au dedans quelque sens plus libre? Une Roine de nostre temps disoit ingenieuse- ment que de refuser ces abbors, c’estoit tesmoignage de foiblesse et accusation de sa propre facilité, et qu'une dame non tentée ne se pouvoit vanter de sa chasteté. (4) Les limites de l"honneur ne sont pas retranchez du tout si court: il a dequoy se relascher, il peut se dispenser aucunement sans se forfaire. Au bout de sa frontiere il y a quelque estendue libre, indifferente et neutre. Qui l’a peu chasser et acculer a force, jusques dans son coin et son fort, c’est un mal habile homme s'il n’est satisfaict de sa fortune. Le pris de la vic- toire se considere par la difficulté. Voulez vous s¢avoir quelle impression a faict en son coeur vostre servitude et vostre merite? mesurez le 4 ses meurs, Telle peut donner plus qui ne donne pas tant. L’obligation du bien-faict se rapporte entierement a la volonté de celuy qui donne. Les autres Circonstances qui tombent au bien faire, sont muettes, mortes et casuelles. Ce peu luy couste plus a donner, qu’a sa compaigne son tout. Si en quelque chose la rareté sert d’estimation, ce doit estre en cecy; ne regardez pas combien peu c’est, mais combien peu l’ont. La valeur de la monnoye se change selon le coin et la merque du lieu.

Quoy que le despit et indiscretion d’aucuns leur puisse faire dire sur l’excez de leur mescontentement, tousjours la vertu et la verité regaigne son avantage. J’en ay veu, des- quelles la reputation a esté long temps interessée par injure, s'estre remises en ]’approbation universelle des hommes par leur seule constance, sans soing et sans artifice: chacun se repent et se desment de ce qu'il en a creu; de filles un peu suspectes, elles tiennent le premier rang entre les dames de bien et d’honneur. Quelqu’un disoit 4 Platon: “Tout le monde mesdit de vous.” — ‘Laissez les dire,’’ fit-il, “je vivray de fagon que je leur feray changer de langage.” ! Outre la crainte de Dieu et le pris d’une gloire si rare qui les

1 See the Monks Antonius and Maximus, Sermo 54.

Goi gle