Page:Essays, Vol 4 (Ives, 1925).pdf/34
22 ESSAYS OF MONTAIGNE
de loyauté. A il voulu dire qu’il ne soit pas impossible de se rendre aux efforts de l’amour, et ce neantmoins reserver quelque devoir envers le mariage, et qu’on le peut blesser sans le rompre tout a faict? (c) Tel valet ferre la mule au maistre qu'il ne hait pas pourtant. (4) La beauté, l’op- portunité, la destinée (car la destinée y met aussi la main),— fatum est in partibus illis Quas sinus abscondit: nam, si tibi sidera cessent, Nil faciet longi mensura incognita nervi,! —
ont attachée A un estranger, non pas si entiere peut estre, qu’il ne luy puisse rester quelque liaison par ot elle tient encore A'son mary. Ce sont deux desseins qui ont des routes distinguées et non confondues. Une femme se peut rendre a tel personnage, que nullement elle ne voudroit avoir espousé; je ne dy pas pour les conditions de la fortune, mais pour celles mesmes de la personne. Peu de gens ont espouse des amies qui ne s’en soyent repentis. (c) Et jusques en l'autre monde, quel mauvais mesnage a faict Juppiter avec sa femme qu'il avoit premierement pratiquée et jouie par amourettes! C’est ce qu'on dict: Chier dans le panier pour apres le mettre sur sa teste.
(6) J’ay vu de mon temps, en quelque bon lieu, guerir honteusement et deshonnestement |’amour par le mariage: les considerations sont trop autres. Nous aimons, sans nous empescher, deux choses diverses et qui se contrarient. Isoc- rates disoit que la ville d’Athenes plaisoit, 4 la mode que font les dames qu'on sert par amour: chacun aimoit a s’y venir promener et y passer son temps; nul ne l’aymoit pour lespouser, c’est a dire pour s’y habituer et domicilier.? J’ay avec despit veu des maris hair leurs femmes de ce seulement qu’ils leur font tort: aumoins ne les faut il pas moins aymer de nostre faute; par repentance et compassion au moins, elles nous en devroyent estre plus cheres. Ce sont fins dif- ferentes et pourtant compatibles, dict il, en quelque fagon. Le mariage a pour sa part l’utilité, la justice, l"honneur, et la constance: un plaisir plat, mais plus universel. L’amour se fonde au seul plaisir, et l’a de vray plus chatouillant, plus vif et plus aigu; un plaisir attizé par la difficulté; il y faut
1 Juvenal, IX, 32. 1 See Alianus, Varia Historia, XII, 52.