Page:Blackwood's Magazine volume 001.djvu/70

thame, and is bundin and oblist to bring hame with him all thame of his cumpany that ar on live, and ane testimoniale of thame that ar deid; And als the said Johnne hes the said Sebastianis obligatioun, maid in Dunfermling befor oure Maister Houssald, that he and his cumpany suld remane with him, and on na wyse depart fra him, as the samyn beris; In contrar the tenor of the quhilk, the said Sebastiane, be sinister and wrang informatioun, fals relatioun, and circumventioun of ws, hes purchest our writingis, dischargeing him, and the remanent of the personis abone written, his complicis and part takeris of the said Johnis cumpany, and with his gudis takin be thame fra him, causis certane our liegis assist to thame and thair opinionis, and to fortify and tak thair part aganis the said Johnne, thair lord and maister; Sua that he on na wyse can apprehend nor get thame, to haue thame hame agane within thair awin cuntre, eftir the tenour of his said band, to his hevy dampnage and skaith, and in grete perrell of tynsell of his heretage, and expres aganis justice: Oure will is heirfor, and we charge yow straitlie, and commandis, that incontynent, thir our lettres sene, ye, and ilkane of yow, within the boundis of your offices, command and charge all our liegis, that nane of thame tak upon hand to resett, assist, fortify, supplie, manteine, defend, or tak part with the said Sebastiane and his complices abone written, for na buddis, nor uthir way, aganis the said Johnne Faw, thair lord and maister; Bot that thai, and ye, in likewyse, tak and lay handis upoun thame quhaireuir thay may be apprehendit, and bring thaim to him, to be punist for thair demeritis, conforme to his lawis; and help and fortify him to puniss and do justice upoun thame for thair trespasses; and to that effect len to him youre presonis stokis, fetteris, and all uther things necessar thereto, as ye and ilk ane of yow, and all utheris owre liegis, will ansuer to ws thairupon, and under all hieast pane and charge that efter may follow; Sua that the said Johnne haue na caus of complaynt heirupoun in tyme cuming, nor to resort agane to us to that effect, notwithstanding ony our writingis, sinisterly purchest, or to be purchest, be the said Sebastiane in the contrar; And als charge all our liegis, that nane of thaim molest, vex, inquiet, or trouble the said Johnne Faw and his company, in doing of thair lefull besynes, or utherwayes, within our realme, and in their passing, remanyng, or away-ganging furth of the samyn, under the pane abone written; And siclike, that ye command and charge all skipparis, maisteris, and marinaris, of all schippis within our realme, at all portis and havynnis quhair the said Johnne and his cumpany sail happen to resort and cum, to ressave him and thame thairin, upoun thair expensis, for furing of thame furth of our realme to the partis beyon sey; as yow, and ilk ane of thame siclike, will ansuer to ws thairupoun, and under the pane forsaid. Subscruit with oure hand, and under oure privie seile, at Falkland, the fivetene day of Februar, and of oure regne the xxviii yeir. Subscript, per Regem.

Forsameikle as Sir Arthure Douglas of Quhittinghame haveing latelie tane and apprehendit some of the vagabound and counterfut thieves and limmars, callit the Egyptians, he presentit and deliverit thame to the Shireff principall of the shirefdome of Edinburgh, within the constabularie of Hadinton, quhair they have remained this month or thereby; And quhairas the keeping of thame longer, within the said tolbuith, is troublesome, and burdenable to the toune of Hadinton, and fosters the saids theives in ane opinion of impunitie, to the incourageing of the rest of that infamous byke of lawles limmars to continow in thair theivish trade; Thairfore the Lords of Secret Counsell ordans the Sheriff of Hadinton, or his deputs, to pronunce doome and sentence of death aganis so manie of thir counterfoot theives as are men, and aganis so manie of the weomen as wants children; Ordaning the men to be hangit, and the weomen to be drowned; and that suche of the weomen as hes children to be scourgit throw the burgh of Hadinton, and brunt in the cheeke; and ordans and commands the provest and baillies of Hadinton to caus this doome be execute vpon the saids persons accordinglie.