Page:Barlaam and Josaphat. English lives of Buddha.djvu/169

This page needs to be proofread.
LẎF OF SAẎNT BALLAM.
31

they wold lete hym dwelle there and they ſayd to hym / thou ſhalte yet hereafter come hyther wyth grete trauayle yf thou mayſt ſuffre/ and after they ledde hym in to a ryght horryble place ful of al fylthe and ſtenche / and ſayd to hym this is the place of wycked peple/ and whan he awoke hym ſemed that the beaute of that damoyſel was more foull and ſtynkyng thenne alle the other ordure/ and thenne the wycked ſpyrytes came ageyn to theodaſe/ and he thenne blamyd them / to whome they ſayd we ranne vpon hym tofore he marked wyth the ſygne of the croſſe / & troubled hym ſtrongelye and whan he was garnyſſhed with the ſygne of the croſſe/ he perſecuted vs by grete force/ Thenne theodaſe came to hym with the kynge and had hoped that he ſhold haue peruerted hym/ But this enchauntour was taken of hym/ whome he ſuppoſed to haue taken and was conuerted and receyued bapteſme/ and lyued after an holy lyf and thenne the kynge was al deſpayred/ and by counceyl of his frendes he delyuered to hym halfe his royame/ & how be it that Joſaphat deſyred wyth alle his thoughte the deſerte/ yet for to encrece the feythe he receyued the royame for a certeyn tyme/ and maad chirches and reyſed croſſes and conuerted moche people of his royame to

the

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.