Page:Barlaam and Josaphat. English lives of Buddha.djvu/167

This page needs to be proofread.
LẎF OF SAẎNT BALLAM.
29

alle to god / and he receyued deuyne comforte / in ſuche wyſe that al temptacyon departed from hym/ & after this that the kynge ſawe that the deuyl had don no thynge he ſente to hym a fayre mayden a kynges doughter whyche was faderles/ To whome this man of god prechyd and ſhe anſwerd yf thou wylte ſaue me/ and take me aweye fro worſhyppyng of thydolles/ conioyne the vnto me by couplyng of maryage/ for the patryarkes/ prophetes/ and peter the appoſtle had wyues/ and he ſayd to hir/ woman thyſe wordes ſayeſt thou now for nought/ It apperteyneth wel to cryſten men to wedde wyues/ but not to them that haue promyſed to our lord to kepe vyrgynyte /

And ſhe ſayd to hym/ now be it as thou wylte/ but yf thou wylte ſaue my ſowle/ graunte to me a lytel requeſte/ lye wyth me onelye this nyght and I promyſe to the that to morne I ſhal be made cryſten/ For as ye ſay the aungels have more ioye in heuen of one ſynnar doyng penaunce/ thenne on many other/ There is grete guerdon due to hym that doth penaunce/ & conuerteth hym/ therfore graunte to me onely thys requeſte/ and ſoo thou ſhalte ſaue me/ and thenne ſhe began ſtrongely to aſſayle the toure of hys conſcience / Thenne the deuyl ſayd to his felowes / loo ſee

how

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.