Page:Barlaam and Josaphat. English lives of Buddha.djvu/166

This page needs to be proofread.
28
LẎF OF SAẎNT BALLAM.

ſyluer precyous ſtones / & all other thynges and whan he had demaūded the names of euery thynge / and that the mynyſtres had tolde hym / he ſette nought therby/ and whan his fader ſaw that he retched not of ſuche thynges / thene the kynge made to be broughte tofore hym wymmen quayntely arayed/ and he demaunded what they were/ For they wold not ſoo lyghtly telle hym / wherof he was anoyed / and after the mayſter ſquyer of the kyng ſayd iapyng that they were deuylles that deceyue men / Thenne the kynge demaunded hym what he lyeueſt had of al that he had feen / and he anſweryd fader my foule coueyteth noo thynge ſo moche as the deuylles that deceyue men/ and therfore I ſuppoſe that none other thynge ſhal ſurmounte thy ſone but wymmen whiche moeue men alle waye to lecherye/ thenne the kynge put out alle his mynyſtres and ſette therin to be about his ſone riȝt noble & fayre maydens/ whyche alweye hym admoneſted to playe/ and there were none other that myght ſpeke ne ſerue hym/ and anone the enchauntour ſent to hym the deuyl for to enflame hym whiche brennyd the yonge man wythinforth / & the maydens wythoutforth / and whan he felte hym ſoo ſtrongelye trauaylled he was moche angry/ and recommaunded hym ſelf

alle

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.