Page:Barlaam and Josaphat. English lives of Buddha.djvu/164

This page needs to be proofread.
26
LẎF OF SAẎNT BALLAM.

fende the lawe of cryſten men/ & garnyſſhed hym wyth many reſons/ ſo that the mayſters were al abaſſhed and wyfte not what to anſwere/ and thenne Joſaphat had grete ioye of that/ whiche our lord had deffended the trouthe/ by hym that was enemye of trouthe/ and thenne the kynge was ful of wodeneſſe/ and commaunded that the counceyl ſhold departe/ lyke as he wold haue tretyd ageyn on the morne the ſame fayte/ Thenne Joſaphat ſayd to his fader lete my mayſter be wyth me thys nyght/ to the ende that we may make our collacion to gyder/ for to make to morowe our anſweres / and thou ſhalt lede thy mayſters wyth the / and ſhal take counceyl wyth them / & yf thou lede my mayſter wyth the/ thou doeſt me no ryghte/ wherfore he graunted to hym nachor by cauſe he hoped that he ſhold deceyue hym/ and whan the kynges ſone was comen to his chambre/ and nachor with hym/ Joſaphat ſayd to nachor/ Ne weneſt thou not that I knowe the/ I wote wel that thou arte not balaam/ but thou arte nachor the aſtronomyen/ and Joſaphat prechyd thenne to hym the waye of helthe/ and conuertyd hym to the feythe/ and on the morne ſente hym in to deſerte / and there was baptyſed / and ledde the lyf of an hermyte/ Thenne there was an

enchauntour

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.