Page:Barlaam and Josaphat. English lives of Buddha.djvu/160

This page needs to be proofread.
22
LẎF OF SAẎNT BALLAM.

olde age/ thou haſt derked the light of myn eyen/ ſone why haſt thou doon ſo/ thou haſt forſaken the honour of my goddes and he anſwerd to hym I haue fledde the derkeneſſe/ and am comen to the lyght/ I haue fledde errour & knowe trouthe / and therfore trauaylle the for nought/ for thou mayſt neuer wythdrawe me fro Jheſu cryſte/ For lyke as it is Impoſſyble to the to touche the heuen wyth thy honde/ or for to drye the grete ſee/ ſo is it to the for to chaunge me/ Thenne the fader ſayd/ who is cauſe herof/ but I my ſelf/ that ſo gloryouſly haue to nouryſſhed the/ that neuer fader nouriſſhed more hys ſone/ For whyche cauſe thyn euyl wyll hath made the wood ageynſt me / and it is wel ryght / For the aſtronomyens in thy natyuyte ſayd / that thou ſholdeſt be proude and dyſhobedyente to thy parentes/ but and thou now wylte not obeye me/ thou ſhalte nomore be my ſone/ and I ſhal be thyn enemye for a fader/ and ſhal do to the that I neuer dyd to myn enemyes/ To whome Joſaphat ſayd / fader wherfore arte thou angry/ by cauſe I am made a partyner of good thynges / what fader was euer ſorowful in the proſperyte of hys ſone/ I ſhal nomore calle the fader/ but and yf thou be contrarye to me I ſhal flee the as a ſerpente /

Thenne

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.