Page:Barlaam and Josaphat. English lives of Buddha.djvu/158

This page needs to be proofread.
20
LẎF OF SAẎNT BALLAM.

the fader ſayd thou mayſt not haue my doughter/ for thou arte the ſone of ryche and noble kynne / and I am but a poure man / but whan he ſore deſyred hir/ the olde man ſayd to hym/ I may not gyue hir to the ſyth thou wilt lede hir home in to the hows of thy fader/ for ſhe is myn onelye daughter and haue no moo/ And he ſaid/ I ſhal dwelle wyth thee and ſhal accorde with the in al thynges/ and thenne he dyd of his precyous veſtements/ and dyd on hym the habyte of an olde man/ and ſoo dwelling with hym toke hir vnto his wyf and whan the olde man had longe preuyd hym / he ladde hym in to hys chambre/ and ſhewyd to hym grete plente of rycheſſes more than he euer had / and gaue to hym al/ & thenne Joſaphat ſayd to hym/ thys narracyon toucheth me couenably/ and I trowe thou haſt ſayd thys for me/ Now ſaye to me fader how many yere arte thou olde / and where conuerſeſt thou/ For fro the I wyl neuer departe/ To whom balaam ſayd/ I haue dwellyd xlv yere in the deſerte of the londe of Sennaar/ To whome Joſaphat ſayd/ thou ſemeſt better to be lxx yere / and he ſayd yf thou demaundeſt alle the yeres of my natyuyte/ thou haſt wel eſtemed them but I accounte not the nombre of my lyf / them ſpecyally that I haue dyſpended in the vanytee of the world/ For Iwas

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.