Page:Barlaam and Josaphat. English lives of Buddha.djvu/157

This page needs to be proofread.
LẎF OF SAẎNT BALLAM.
19

place of derkeneſſe / and the rycheſſes that ben tofore ſente/ ben don by the handes of poure men/ and whan balaam had parfytely taughte the kynges ſone/ & wold leue his fader for to folowe hym balaam ſaid to hym yf thou wylte doo thus thou ſhalt be ſemblable to a yonge man / that whan he ſhold haue weddyd a noble wyf/ he forſoke hyr and fledde aweye/ and came in to a place where as he ſawe a virgyn doughter of an olde poure man that laboured/ and preyſed god with hir mowthe / To whome he ſayd what is that thou doeſt doughter that arte ſo poure & alweye thou thankeſt god like as thou haddeſt receyued grete thynges of hym / To whome ſhe ſayd / lyke as a lytel medecyne ofte delyuereth a grete langour and payne/ right ſo for to gyue to god thankynges alweye of a ly tell yefte / is made a gyuer of grete yeftes for the thynges that ben withoutforth ben not cures/ but they that be wythin vs ben oures/ and therfore I haue receyued grete thynges of god/ for he hath made me lyke to his ymage/ He hath gyuen to me vnderſtondyng/ He hath called me to his glorye/ and hath opened to me the yate of his kyngdom and therfor for thyſe yeſtes it is fyttyng to me to gyue hym prayſynge/ This yonge man ſeyng hyr prudence axed of hir fader to haue hyr to wyf To whomethe

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.