Page:Barlaam and Josaphat. English lives of Buddha.djvu/156

This page needs to be proofread.
18
LẎF OF SAẎNT BALLAM.

yere a ſtraūge man and vnknowen for to be theyr prynce/ and they ſhal gyue hym puyſſaunce to doo what fomeuer he wyl/ And gouerne the contree wythout ony other conſtytucion/ and he beyng thus in grete delyces/ and wenyng euer to contynue/ ſodeynlye they of the cytee ſhold aryſe ageynſte hym / and lede hym naked thorugh the cyte/ & after ſende hym in to an yle in exyle/

And there he ſhold fynde neyther mete ne clothe / but ſhold be conſtreyned to be peryſſhed for hungre and colde /

And after that they wolde enhaunce another to the kyngdome/ and thus they dyd longe/ At the laſte they took one whyche knewe theyr cuſtome And he ſente tofore hym in to that yle grete treſoure wythoute nombre duryng alle hys yere /

And whan his yere was accomplyſſhed and paſſed/ he was put out and put to exyle lyke the other/ and where as the other that had ben tofore hym peryſſhed for colde and hongre/ he habounded in grete rycheſſes & delyces/ and this cyte is the world/ and the cytezeyns ben the prynces of derkeneſſe/ whiche fede vs with falſe delectacyon of the world / and thenne the deth cometh whan we take none hede/ and that we ben ſente in exyle to theplace

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.