Page:Barlaam and Josaphat. English lives of Buddha.djvu/155

This page needs to be proofread.
LẎF OF SAẎNT BALLAM.
17

ſhyp the vnto the gate of the paleys / & thenne I ſhal retorne ageyn and doo myn own nedes/ and he beyng heuy and as diſpayred wente to the thyrde frende and ſayd to hym / I haue noo reſon to ſpeke to the / ne I haue not loued the as I oughte / but I am in trybulacion and withoute frendes/ and praye the that thou helpe me/ and that other ſayd wyth glad chere/ certes I confeſſe to be thy dere frende/ and haue not forgoten the lytel benefayte that thou haſt doon to me/ and I ſhal goo ryght gladly wyth the tofore the kynge/ for to ſee what ſhal be demaunded of the and I ſhal praye the kynge for the/ The fyrſt frende is poſſeſſyon of richeſſe For whyche man putteth hym in many perylles / and whan the dethe cometh he hath no more of hit but a cloth for to wynde hym for to be buryed/ The ſecond frende is hys ſones/ hys wyf and kynne/ whyche goo wyth hym to hys graue/ and anone retorne to entende to theyr owne nedes/ The thyrd frende is feythe hope and charyte and other good werkys/ Whyche we haue doon / that whan we yſſue out of our bodyes / they may wel goo tofore vs and praye god for vs/ and they may wel delyuer vs fro the deuylles our enemyes/ and yet we ſayd accordyng to thys/ that in a certayn cyte is a cuſtome/ that they of the cite ſhal cheſe euery

yere B

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.