Page:Barlaam and Josaphat. English lives of Buddha.djvu/152

This page needs to be proofread.
14
LẎF OF SAẎNT BALLAM.

man thou haſte had euyl counceyl / for thou haſt loſte thys day grete treſour/ For I haue in my bowellys a precyous margaryte/ whyche is gretter than the egge of an oſtrych/ and he herde that/ he was moche wroth and ſorowed ſore by cauſe he had leten hir goo / and enforced hym al that he coude to take hyr ageyne ſayeng/ Come ageyn to my hows/ and I ſhal ſhew to the al humanyte / and gyue to the alle that ſhal nede the/ and after ſhal lete the goo honourably / where as thou wylte Thenne ſayd the nyghtyngale to hym Now I knowe wel that thou art a foole / fore thou haſt no prouffyte in the wyſedoms that I haue ſayd to the/ For thou art ryght ſorowful for me whome thou haſt loſte/ whyche am Irrecuperable/ and yet thou weneſt to take me / where thou mayſt not come ſo hyghe as I am / and furthermore where thou beleueſt to be in me a precyous ſtone more thenne the egge of an oſtrytch/ whan alle my body may not atteyne to the greteneſſe of ſuche an egge / And in lyke wyſe be they foolys that adoure and truſt in ydolles/ for they worſhyp that whiche they haue made / and calle theym whome they haue made kepars of them/ and after he began ne to dyſpute ageynſte the fallace of the world and delite and vanyte therof / and broughte forth many enſaumples and ſayd/

They

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.