Page:Barlaam and Josaphat. English lives of Buddha.djvu/150

This page needs to be proofread.
12
LẎF OF SAẎNT BALLAM.

ſynned / whyche ſygnefyed vnto me more clerely the dethe thenne the trompe / and ſhewed to me horrible comyng of the Juge/ &: after this he dyd doo make foure cheſtys/ and dyd doo couer two of them with golde without forthe / and dyd doo fylle them wyth boones of deed men and of fylthe/ And the other two he dyd doo pytche/ And dyd doo fylle theym wyth precyous ſtones and ryche gemmys/ And after thys the kynge dyd doo calle his grete barons by cauſe he knew wel that they compleyned of hym to his brother / and dyd doo ſette thyſe foure cheſtys tofore them and demaunded of them which were molle precious and they ſayd that the two that were gylte/ were mooſt of valewe/ Thenne the kyng commaunded that they ſhold be opened/ and anone a grete ſtenche yſſued out of them and the kynge ſayd they be lyke them that be clothed wyth precious veſtementes/ and been ful wythinforth of ordure and of ſynne and after he made opene the other/ and there yſſued a meruayllous ſwete odour/ and after the kyng ſayd/ thyſe been ſemblable to the poure men that I mette and honoured / for though they be clad of foule veſtymens / yet ſhyne they wythinforth with good odour of good vertues / and ye take none hede but to that wythoutforthe / and conſydere not what is wythin/ and thou haſt

doon

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.