Page:Barlaam and Josaphat. English lives of Buddha.djvu/149

This page needs to be proofread.
LẎF OF SAẎNT BALLAM.
11

vnto a noble kynge / whyche whan he rood in his chaar cladde wyth clothes of gold and mette wyth poure men whiche were cladde wyth torne clothes/ And anone he ſprange out of his chare/ and fyl doun to their feet and worſhypped theym/ and his barons toke thys euyl/ and were aferde to repreue hym therof/ but they ſayd to hys brother how the kynge had doon thynge ageynſt hys ryal mageſtie / and hys brother repreuyd hym therof/ and the kynge had ſuche a cuſtome that whan one ſhold be delyuerd to deth/ the kynge ſholde ſende hys cryar wyth hys trompe that was ordeyned therto /

And on the euen he ſente the cryar wyth the trompe before hys brothers gate/ and made to ſowne the trompe and whan the kynges brother herde thys/ He was in dyſpayr of ſauynge of hys lyf / and coude not ſlepe of all the nyght and made hys teſtamente/ and on the morne erlye he cladde hym in blacke/ and came wepynge wyth his wyf and chyldren to the kynges paleys / and the kynge made hym come tofore hym and ſayd to hym / a fool that thou arte/ yf thou haſte herde the meſſager of thy brother/ to whom thou knoweſt wel thou haſt not treſpaced and doubteſt ſoo moche/ How ought not I thenne doubte the meſſagers of our lord/ ageynſt whome I haue ſoo ofte

ſynned /

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.