New Zealand Verse/My Ain Dearie
XCV.
My Ain Dearie.
It’s ower yonder hill, and it’s through yonder glen,
Whaur the burn rins doun sae clearly,
When the moon shines sae bricht, and the stars gie their licht,
I’ll gang then and see my ain dearie.
Whaur the burn rins doun sae clearly,
When the moon shines sae bricht, and the stars gie their licht,
I’ll gang then and see my ain dearie.
For she’s leal and true, and she’s fair to the view,
Though she be nae a high-born leddy;
She’s fair in every part, and she’s leddy o’ my heart,
And to mak’ her my bride I am ready.
Though she be nae a high-born leddy;
She’s fair in every part, and she’s leddy o’ my heart,
And to mak’ her my bride I am ready.
As the rosebud that blaws, and the sna’ drift that fa’s,
Is the hue o’ her cheek that’s sae bonnie;
While the lustre o’er her een marks her out for beauty’s queen,
And the ploughboy she lo’es best o’ ony.
Is the hue o’ her cheek that’s sae bonnie;
While the lustre o’er her een marks her out for beauty’s queen,
And the ploughboy she lo’es best o’ ony.
I’ll big a wee house in yon cosey den,
Whaur the wild birds warble sae clearly,
Whaur the kind word and smile shall every care beguile,
And the frowns o’ the great winna fear me.
Whaur the wild birds warble sae clearly,
Whaur the kind word and smile shall every care beguile,
And the frowns o’ the great winna fear me.
O love is the lowe to licht us through this world,
Without it the road would be dreary;
Wi’ discord, toil, and strife, as the portion o’ our life,
And nae resting-place for the weary.
Without it the road would be dreary;
Wi’ discord, toil, and strife, as the portion o’ our life,
And nae resting-place for the weary.
John Barr of Craigilee