Five Excellent Songs (n.d., Newton-Stewart)/Blythe was She
For other versions of this work, see Blythe Was She.
BLYTHE WAS SHE.
Blythe, blythe and merry was she,
Blythe was she butt and ben;
Blythe by the banks of Ern,
And blythe in Glenturit glen.
Blythe was she butt and ben;
Blythe by the banks of Ern,
And blythe in Glenturit glen.
By Ochtertyre grows the aik,
On Yarrow banks the birken shaw;
But Phemie was a bonuier lass
Than braes o' Yarrow ever saw.
On Yarrow banks the birken shaw;
But Phemie was a bonuier lass
Than braes o' Yarrow ever saw.
Her looks were like a flower in May,
Her smile was like a simmer morn;
She tripped by the banks of Ern
As light's a bird upon a thorn.
Her smile was like a simmer morn;
She tripped by the banks of Ern
As light's a bird upon a thorn.
Her bonnie face it was as meek
As ony lamb upon a lee;
The evening sun was ne'er sae sweet
As was the blink o' Phemie's ee.
As ony lamb upon a lee;
The evening sun was ne'er sae sweet
As was the blink o' Phemie's ee.
The Highland hills I've wander'd wide,
And o'er the Lowlands I hae been;
But Phemie was the blythest lass
That ever trod the dewy green.
And o'er the Lowlands I hae been;
But Phemie was the blythest lass
That ever trod the dewy green.