Donald M'Donald (1824)/Sandy o'er the lee

For other versions of this work, see Sandy o'er the Lee.
​

Sandy o‘er the lee.

I winna marry ony man but Sandy o'er the lee,
I winna marry ony man but Sandy o'er the lee;
I winna hae the dominie for guid he canna be,
But I will hae my Sandy lad, my Sandy o'er the lee.
For he's ay a-kissing, kissing, ay a-kissing me,
He's ay a-kissing kissing, ay, a-kissing me.

I winna hae the minister for a' his godly looks,
Nor yet will I the lawyer hae, for a' his wily crooks;
I winna hae the plowman lad, nor yet will I the miller,
But I will hae my Sandy lad without a penny siller,
For he's ay, &c.

I winna hae the soldier lad for he gangs to the war,
I winna hae the sailor lad because he smells o' tar
 ​I winna hae the lord nor laird for a' their muckle gear
But I will hae my Sandy lad, my Sandy o'er the muir.
For he's ay, &c.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.