Donald M'Donald (1824)/Merry Maggy Cameron

​

Merry Maggy Cameron.

I am a wee and winsome lass,
Steady to my tether;
Siller I hae nane nor brass,
But heart as light's a feather;
The tartan plaid is a' my pride,
In it's defence who'd hammer on,
Alane shall huckle to his bride,
Merry Maggy Cameron.

A laird aince said he lo'ed me weel,
And his bride would mak me;
But, said I to try the chiel,
To the kirk then tak me;
But the loon, when kirk I'd name,
Excuse began to stammer on:
I box'd his lugs and wha could blame,
Merry Maggy Cameron.

Sandy Campbell 'tis I lo'e.
He's baith blythe and braw, man;
 ​But tho' he spiers to buckle too
I still cry hoot awa, man,
First let him to our island lend
His aid gainst foes who clamour on,
And ere he weds, learn to defend
Merry Maggy Cameron.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.