Donald M'Donald (1824)/Fairfa' the Lasses, O

For other versions of this work, see Fairfa' the Lasses, O.

Fairfa' the lasses, O.

Fairfu' the lasses, O.
Fairfa' the lasses. O,
And dool and care be still his share,
Wha doesna lo'e the lasses, O.
Pale poverty and grining care,
How lang will ye oppress us, O,
Yet light's the load we hae to bear,
If lessened by the lasses, O.
Fairfa' the lasses &c.

The rich may sneer as they gae by,
Or scornfully may pass us O;
Their better lot let's ne'er envy
But live and love the lasses, O.
Fairfa' the lasses, &c.

Why should we ever sigh for wealth?
Sic thoughts should never fash us, O,
A fig for pelf, when blest wi health,
Content, and bonny lasses O.
Fairfa' the lasses, &c.

The ancient bards, to shaw their skill,
Plac'd Muses on Pernassus, O;
But let them fable as they will,
My Muses are the lasses, O.
Fairfa' the lasses, &c.

The drunkard cries, the joys o' wine,
A'ither mirth surpasses, O;
But he ne'er kent the bliss divine,
That I hae wi' the lasses, O.
Fairfa' the lasses, &c.

When I am wi' the chosen few,
The time tu' quickly passes, O,
But days are hours, and less, I trow,
When I am wi' the lasses, O.
Fairfa' the lasses, &c.

When joys abound, then let a round
Of overflowing glasses, O;
Gae brisk about, and clean drink out,
The feast be— "Bonny lasses," O.
Fairfa' the lasses, &c.

FINIS.